Anonimo Genovese, L'omo avar excecolento

L'omo avar excecolento
chi tem tuto e no vor spender,
m'apar monto da reprender
e degno de gran tormento.
Che gi zoa cresimento
ni a guagno re' intender,
poi che atri de so mar prender
corerà con largo vento?
Ma pu è misero e dolento
e degno su forche penderlo
preve chi no cessa offender
in sì greve falimento,
a chi ma[i] s[o]na[r] no sento
de dever partir ni render;
ni la man vor mai destender
ê l'atrui sostentamento,
ma fa viso ruzenento
debiando alcum amigo atender,
ché de honor se dé accender
Ma, sapjai, monto è atento
in dever le rëe tender
per maor offerta prender,
prometando per un cento.
Lantor no è·lo miga lento:
ma sempre lo vego prender
in guardà·se e in defender
de no far alargamento.
Donca è bon far preponimento,
poi che mai no vor despender,
de farlo tanto descender
che l'avesse mancamento.